Tuesday, January 22, 2008

Jeejiwisha (will to live)

kuchh is tarah

jaise barish ki chand boonden,
doobane, dahane wali nahi..
bus wun hi, anmani si,idhar udhar bhatakti hui
hawaon mein lahrati ithlati,
jeth ki kadak dopahari mein
bewajah....

kuchh is tarah
mere chehron ki silwaton par
tum barasti ho,

aur zindagi,
jiwan ki lobhi,puchkar ki dulari,
meri roothi hui zindagi,

yatharta ki deewaron se ghire
zarron mein chhupi
ek nanhi beej si
zindagi

akash ki or nischhal bachhi si phaila deti hai
do arman bhare patte,
ek anant zinda chahat

No comments: