Monday, August 17, 2009

Yahaan ke haalaat

Kal raat
Zoron ki baarish hone ke baad
Yahan charon or maano
Ek chhota sa jannat ka tukda
Utar aya hai.
Bhadr ke barish ke baad achanak
Koyal, piu-kahan
Aur jahan ke saare sureele panchee
Ek saath chahak rah hain.
Hariyali, phoolon se lade peron ke neeche
Geere hue ateet ke phool -
Sab milkar itne mayavi !
Achha hota ki aisi khushnumai ke
Kuchh pal tumhe main
Theek isi tarah bhej paata -
Aur badle mein tumhare
Ghane kaale baadalon ke kuchh tukde
Umas aur bheer se bhari shahar ke kuchh ghante
Akele aham ke kuchh lahu-luhan pal
Mein tumse mangwa leta -
Afsos, ki takniken
Insaan ko tor bahut asaani se rahi hain,
Par jorne mein ab bhi kahin kamzor,

नालायक

No comments: