Tuesday, February 16, 2010

sapne 101

Sapna ye nazuk hai
Sapne se darta hoon
Sapna masoom hai
Sapne pe marta hoon
--
Sapna toot jayega
Sapna sambhaliye
Sapnon ka aaina
(Aap) sapne dikhaiye
--
Sapne se din beete
Sapne le sota hoon
Sapne ye mujh se hain
(Main) sapnon se hota hoon
--
Sapnon ke sirhaane
Sapne ki kunji hai
Sapnon se darna mat
Bus, sapne ki poonji hai

--
Sapne ko kehna hai
Sapna chupchap hai
Sapne ki udherbun
Sapne ko maaf hai 

--
Sapne ki duniya daari
Sapnon ka kya jaata hai?
Sapne ki aisi yaari
Sapna samajh nahi paata hai

--
Sapna na toot jaye
Sapna ye darta hai
Sapne ko paane mein
Sapne se ladhta hai

--
Sapna tum jaana na
Sapnon se milna hai
Sapnon ke zakhmon ko
Sapne se silna hai

--
Sapne ke daud mein
Sapna bada vyast hai
Sapna chhoot jaaye na
Sapna yun trust hai

--
Sapne ke bheed mein
Sapna kho jaata hai
Sapne ko jhelne se
Sapna sharmata hai
--
Sapnon ke haat mein
Sapne bhi bikte hain
Sapnon se tol-mol
Sapne kab tikte hain 
--
Sapne ne poochha hai
Sapna kyun rota hai
Sapne ka zakhm saara
Sapna sanjota hai


--
Sapna muhurt tha,
Sapne ke baad bhi
Sapne ki aap-beeti
Sapne ki yaad thi!

--
Sapna samajhta hai
Sapne ki majboori
Sapna phir nasamajh
Sapne se kyun doori?

--
Sapna ka sapne se
Sapnon ka rishta hai
Sapnon ki khusboo ko
Sapna woh ghista hai

--
Sapnon ki daud mein
Sapna kho jaata hai
Sapne ko bhoolkar
'Sapna' kahlaata hai

--
Sapna, tum ruk jaao
Sapna tum jao na
Sapna, yun jaana ho
To sapnon mein aao na

--
Sapnen jab raakh ho
Sapna tab barsega,
Sapne ki chaukhat par
Sapne ko tarsega !
----

Sapnon ka rona to


Sapne ne ro lee hai
Sapne sab jal chuke
Sapnon ki holi hai!!
----
Sapnon ka rona sab
Sapne ne ro lee hai
Sapne aaj jhoomenge
Sapnon ki holi hai !!
--
Sapnon ki maar se
Sapna chowkanna hain
Sapnon par fisle to
Sapnon ko girna hai


No comments: