agli baar

Kabhi sun sako, phir puchhenge;
Jab kahin pahunchne ki jaldi na hi,
Phir milenge;
Drishti ke daayre se ojhal ho jaaye
Jab kaaran, tark,
Tab dekhenge;
Highway ke shor se upar
Jab sannata sun sako,
Tab dher saari baatein karenge;

Tab tak ke liye,
Lambi raaston par
Dher saari santushtiyan aur safaltaen
Batorne ke liye,
Meri hardik shubhkaamnaen

Comments

Popular Posts